ဒါပေါ့ ၊ ဘာပြောကောင်းမလဲ ၊
ပြောမကောင်းလဲ ပြောရအုံးမယ် ။ ဆိုင်းမဆင့် ဗုံမဆင့်ရွာလိုက်တဲ့မိုးလေ ။ ဘယ်သူကမှရွာမယ်လို မမှန်းထားဘူး ၊ ရုတ်တရက် မြို့ထဲမှာမှောင်လာတယ် ၊ လေပြင်းတွေတိုက်တော့ စပြီးလှုပ်ရှားသူကတော့ လမ်းဘေးဈေးသည်တွေ ၊ ရွာမယ် မရွာဘူးနဲ့ ငြင်းတဲ့သူတွေလည်းငြင်း ၊ မိုးကာဖို့ပြင်တဲ့သူကလည်း သူ့ဆိုင်မိုးလွတ်ဖို့အရေး အသည်းအသန် ၊ ကားတွေကလည်း စောစောစီးစီးမီးထွန်းပြီး မောင်းနေပြီး ၊ လမ်းသွားလမ်းလာတွေက ဖုန်တွေကာရင်း ကားမှတ်တိုင်စီ အရောက်တင်နေပြီ ။ ရုတ်တရက် လျှပ်စီးလက်ပြီး မိုးချိ်န်းတော့ နားပိတ်သူကပိတ် ( ကျွန်တော်လေ ) ၊ ရောရောင်ပြီး ထိုင်သူကထိုင် ၊ အကာအောက်ကိုပြေးသူကပြေးနဲ့ အုတ်အုတ်ကျက်ကျက်ပေါ့ ။ ဒီလို့နဲ့ပဲ ကိုရွှေမိုးကသည်းပြီးလေ ၊ ကားမှတ်တိုင်ကလူအုပ်ကြီးက "ဆင်သေကို ဆိတ်သားရေနဲ့ဖုံး" သလို မရှိတဲ့ မိုးအကာအောက်ကို ၀င်တိုးရော ၊ လူစုကြီးကနည်းတာမှ မဟုတ်တော့ ဒီဘက်ကတိုးတော့ ဟိုဘက်ကလူတွေက တဖြည်းဖြည်းနဲ့ အပြင်ရောက်သွားရော ။ ဘယ်ရမလဲ ဟိုဘက်ကလည်း ပြန်တိုးတာပေါ့ ၊ ဒီဘက်ကလည်း ဘာရယ်တော့ မဟုတ်ဘူး " ဟေး " လို့ ညာသံပေးပြီး ပြန်တိုးရော ( မြင်ကြည့်စမ်းပါ ၊ မိုးရွာအောင် လွန်ဆွဲနေသလိုပဲ ) ။ ဒါနဲပဲ ၀လုံးလည်း ကားလာတာမြင်တော့ အမြန်နှုန်းနဲ့ ပြေးတက်တာ ၊ .................... ၀ါးတားတားနဲ့ ကားမှားစီးမိပြီး ၊ ကြုံရာမှာဆင်း လမ်းလျှေက် ဟိုမေးဒီမေး ၊ ကားပြန်စီး ၊ ကားပေါ်ရောက်မှ ငုတ်တုတ်မေ့ တာပဲ ၊ ကိုယ်တယောက်ပဲ စိုရွဲနေပြီး အားလုံးကချောက်ချောက်သွေ့သွေ့ ဆိုတော့
၄၅ကားပေါ် ကြွက်စုတ်တကောင် ၀င်နေတယ်
No comments:
Post a Comment