ရှေးက ချမ်းသာကြွယ်ဝတဲ့ သူကြွယ်သူဌေးကြီးတစ်ယောက်မှာ သား (၃) ယောက်ထွန်းကားလေသတဲ့ ၊ အရွယ်ရောက် အချိန်တန်တော့ တနေ့မှာ သူဌေးကြီးဟာ သား (၃) ယောက်ကိုခေါ်ပြီး ၊ တယောက်စီကို အသပြာ (၁၀၀) ပေးလိုက်တယ် ။ ပြီးတော့ သူ့မှာရှိတဲ့ဂိုဒေါင်ကြီး (၃) လုံးကို လက်ညိုးထိုးပြီး ဒီဂိုဒေါင်ကြီးကို တရက်အတွင်း အပြည့်ဖြည့်ဖို့မှာကြားသတဲ့ ။ ငွေအနည်းဆုံးနဲ့ ဂိုဒေါင်အပြည့်ဖြည့်နိုင်တဲ့ သူကိုသူ့ပိုင်ဆိုင်တဲ့ စည်းစိမ်တ၀က်ခွဲပေးမယ်လို့ဆိုသတဲ့ ။ ဒီတော့သား (၃) ယောက်က ငွေယူပြီး အဖေမှာတဲ့ အတိုင်းဆောက်ရွက်ဖို့ ထွက်သွားကြတယ် ။
ကဲ ပုံပြင်နားထောင်တဲ့ သူတွေရော .....ဂိုဒေါင်ကြီးပြည့်သွားအောင် ဘယ်လိုလုပ်ကြမလဲ ။ ( ဆက်ကြည့်ရအောင် )
သားကြီးက - ဈေးထဲ ၊ ရွာထဲ ကအမှိုက်ပုံတွေကိုရှာပြီ ၊ သူများတွေစွန့်ပစ်ထားတဲ့ အမှိုက်တွေကိုလိုက်စု ၊ လူတွေနဲ့သယ်ပြီး ဂိုဒေါင်ထဲကိုဖြည့်သတဲ့ ။ ဒီလိုနဲ့ ဂိုဒေါင်ကြီးတခုလုံးကိုပြည့်တဲ့ အထိဆိုပါတော့ ၊ အမှိုက်တွေကို အလားကားရပြိး သယ်ဆောင်ခကိုသာ အနည်းငယ်ပဲ ပေးရတဲ့အတွက် ဂိုဒေါင်ကြီးပြည့်ပြီး ပိုက်ဆံလည်း ပိုတာပေါ့ ။
သားလတ်က - ရပ်ထဲ၊ရွာထဲမှာ ပိတ်နေတဲ့ ရေမြောင်းတွေကို လိုက်ဖော်သတဲ့ ၊ ရလာတဲ့မြေကြီးတွေကို လူတွေနဲ့သယ်ပြီး ဂိုဒေါင်ထဲကို ဖြည့်သတဲ့ ။ ဒီလိုပဲ သဲတွေကိုအလားကားရပြီ သယ်ဆောင်ခကို အနည်းငယ်ပဲပေးရတဲ့ အတွက် ဂိုဒေါင်ကြီးပြည့်သွားတဲ့ အခါ သားလတ်မှာလည်း ပိုက်ဆံတွေလည်း ပိုသေးတယ်ပေါ့ ။
သားငယ်က - ဘာမှရည်ရည်ရာရာမလုပ်ပဲ သူ့အကိုတွေအလုပ်-လုပ်ချိန်မှာ အေးဆေးပဲနေလေသတဲ့ ၊ အချိန်တန်လို့ သူဌေးကြီးလာကြည့်တဲ့ အချိန်မှ မီးခွက်တခုယူသွားပြီး ဂိုဒေါင်ထဲမှာ သွားထွန်းလိုက်တဲ့အခါ ဂိုဒေါင်တစ်ခုလုံး မီးရောင်နဲ့ထိန်းလင်းသွားတယ် ။
နောက်ဆုံးတော့ သူဌေးကြီးကသူပိုင်တဲ့ စည်းစိမ်အားလုံးကို (၃) ပုံ-ပုံပြီး အညီမျှခွဲပေးလိုက်တယ် ။ သားကြီး ၊ သားလတ်ရဲ့ လုပ်ဆောင်ချက်က အများကိုအကျိုးပြုသလို ပြောတဲ့အတိုင်း မဆုတ်မနစ် ကြိုးစားတဲ့ အတွက်ပေါ့ ။ သားငယ်ကတော့ ဖြတ်ထိုးဥာဏ်နဲ့စဉ်းစားပြီးလုပ်ဆောင်တဲ့ အတွက်ပေါ့ ။
ဒီလိုပဲ .... လောကကြီးမှာ အလုပ်ကို ကြိုးစားသူ နဲ့ အလုပ်ကို ပါးနှပ်စွာ လုပ်သူတွေရှိကြတယ် ။ Work Hard နဲ့ Work Smart ဆိုရင် ကျွန်တော်တို့ ဘာကိုရွေးကြမလဲ ။
No comments:
Post a Comment